Ayuntamiento Sangüesa / Zangozako Udala

Este sitio web utiliza cookies propias y de terceros para optimizar tu navegación, adaptarse a tus preferencias y realizar labores analíticas. Al continuar navegando aceptas nuestra Política de Cookies.
11 de octubre de 2022

ZANGOZAKO UDALAK ETA AEK-K MINTZAKIDE PROGRAMA AURKEZTU DUTE

Proiektuaren xehetasunak eman dituzte: ostiralean 18:30ean Kultur Etxean aurkezpen orokorra izango da. Euskal hiztunak bertaratzera animatzen ditugu

Foto noticia

UDALAREN HITZARTZEA

Zangozako Udalak euskararen erabileraren eta sustapenaren aldeko apustua egin du.

Urte asko dira euskararen alde eta egun ere, gero eta gehiago, pozten nau esateak, interes handia dago euskara ikasteko eta eguneroko bizitza eramateko, hau da, euskararen praktika gure egunerokoan eramateko, batzuetan ez baita hain erraza.

Legegintzaldi honetan, hiriko hainbat kultur eta gizarte taldeekin egindako bileretan sortu zen ideia. Helduentzako zuzendua, adin guztiak barne. Gehiago ikasteko, ikasitakoa praktikan jartzeko, euskaraz bizitzeko eta harremanak izateko gogoa dago. Hori dela eta, hori egiteko formula bilatu genuen.

AEKrekin hitz egin genuen, eta orain aurkezten ari garena proposatu ziguten: Mintzakide egitasmoa.

Euskara praktikatzeko taldetxoak sortzea. Ikasten ari direnentzat eta praktikatu nahi dutenentzat, edo ongi baino hobeki euskaraz aritzen direnentzat, era informalean erabili nahi dutenentzat. Mintzakiderekin, Zangozan euskaraz hitz egiteko espazioak zabalduko ditugu.

Harreman berriak sortuko dira euskaraz, ohitura sortuko da, eta hori lagunekin, lanean, familiarekin… zabalduko da.

Horregatik, Udalak parte hartzera animatzen zaituzte . Doakoa da, hori bai, izena eman beharko da; nahikoa da gogoa eta ilusioa izatea

 

AEK-REN HITZARTZEA

Batzuetan zaila izaten da gelan ikasitakoa kalean erabiltzea. Horretarako hainbat arrazoi daude: konfiantza falta, lotsa, ingurune erdalduna, erakunde publikoen babes falta… Denok dakigu erabiltzen ez dena ahaztu edo galdu egiten dela. Horretaz jabeturik, duela urte batzuk AEK-k abian jarri zituen euskaltegitik kanpo euskara praktikatzeko hainbat programa eta ekintza. Ezagunenak,  ahozko programak dira, mintzapraktika egitasmoak hain zuzen ere.

Horretarako lehen topaketa ostiral honetan daukagu, 18:30ean Kultur Etxeko areto honetan bertan (konferentzia aretoan) Zangozako euskaldunak bertaratzera gonbidatzen ditugu. Mintzakide programa herritarrei aurkeztuko diegu, xehetasun guztiekin eta baita galderak egiteko tartearekin. Izen emateekin ere hasiko gara, dohakoa izanen dena.

Mintzataldeak osatzera goaz, izena ematen duten pertsonak elkartuko ditugu euskaraz hitz egiteko. Talde hauetan adina, zaletasunak eta disponibilitatea kontutan hartuko ditugu. Perfilei dagokienez, talde bakoitzean bidelari eta bidelagunak ezarriko ditugu. Bidelariak, haien euskara maila hobetu nahi duten pertsonak dira, agian, euskaraz aritzeko ohitura handirik ez duten pertsonak izanen dira. Hauek euskaraz hitz egiteko gaitasuna izanen dute, B1 mailaren inguruan egonen direnak. Bidelagunak ordea, euskaldun osoak izanen dira, eta hauek talde bakoitzaren erreferente izanen dira.

Kartelak eta hainbat euskarri herrian zehar jarriko ditugu, nahi duen orok informazio har dezan.

Esandakoa, hurrengo ostiralean parte hartzera deitzen zaituztegu. Mila esker!

 

NOTICIAS RELACIONADAS

Facebook
Instagram
whatsapp