Ayuntamiento Sangüesa / Zangozako Udala

[:es]Danza: “Saioak”

1970eko urtarrilak 1

Foto evento

    DANTZA

    “Saioak”.

    BILAKA

    NAFARROAKO ANTZOKI SAREAREN ZIRKUITUA

    LARUNBATEAN, URRIAK 17

    Zuzendaria: Mathieu Vivier. Dantzari-zerrenda: Zibel Damestoy, Arthur Barat, Iban Garat/Ioritz Galarraga eta Oihan Indart. Musikariak: Patxi Amulet, Xabier Etcheberry, Valentin Laborde.

    Euskal dantza tradizionala jorratzen duen dantza garaikidea, Baionan bizi den Bilaka konpainiaren eskutik.
    Zuzeneko musika, dantza eta bideoa uztartzen dituen lana da “Saioak”. Konpainia beraren SAIO-ZERO ikuskizunaren partitura gurutzatu, irauli eta birdefinituetatik abiatuta idatzitako lana da. “Saioak” ikuskizunak euskal dantza tradizionalaren eta mundu garaikidean duen iraupenaren esplorazioa luzatzen du, interpretatzaileen nortasuna osatzen duenaren bila.

    Ikusleak: Gazteak eta helduak

    Iraupena: 60 minutu

    Ordua: 20:00

    Aldez aurreko salmenta: 6 €.

    Txartel-leihatilan: 8 €. Entzunaretoko leihatila 19:00etatik 19:30era egonen da zabalik funtzioaren egunean. Ordu horretatik aurrera ezin izanen da sarrerarik erosi.

    Gazte Txartelarekin: 5 €. Gazte txartela aurkeztu beharko da entzunaretora sartzean.

    Antolatzailea: Nafarroako Antzoki Sarea (NAS)

    Diruz laguntzen duena: Nafarroako Gobernua.

    Laguntzaileak: Nafarroako Kutxa Fundazioa & La Caixa Gizarte-ekintza.

     

    Covid19 dela kausa harturiko neurriak: Une honetan garrantzitsuena zuen segurtasuna eta osasuna denez, Karmengo Entzunaretoa prestatu dugu osasun-agintarien jarraibideak betetzeko.
    Antzokia desinfektatuta egonen da emanaldi bakoitza hasi baino lehen.

    Antzerkiaren edukiera murriztu dugu. Plantilla aldatu egin da eta eserlekuen banaketa egokitu egin da distantzia, ikuskizun mota eta familia eta/edo bizikidetza-taldeen irizpidea kontuan hartuta.

     

    Eserlekuak 1eko blokean (helduendako ikuskizunetan) eta 2ko blokean (haurrendako/familiendako ikuskizunetan) egonen dira salgai. Sarrerak eskuratzean, talde mota horretara egokitu behar da. Bi eserlekuren salmenta familia edo bizikidetza-taldeei gaitzen zaie, pandemiaren aurka pertsona guztien erantzukizun indibiduala oinarri hartuta. Zalantzarik izan edo argibiderik nahi izanez gero, deitu 948 870 251 telefonora.

    Emanaldien egunetan leihatilan saltzeko ordutegiak aldatu egin behar izan ditugu. Karmengo Entzunaretoko leihatila helduen emanaldietarako 19:00etatik 19:30era eta haurren eta familien emanaldietarako 17:00etatik 17:30era egonen da zabalik (sarrerak geratzen badira). Tel.: 948 870 632.

    Kokatze egokirako, emanaldia hasi baino ordu erdi lehenago sartu ahal izanen dira ikusleak. Garaiz iristeko eskatzen da, sarrera mailakatua eta pixka bat motelagoa izanen baita. Ez da talderik osatu behar, ez sarreran, ez irteeran. Behin jarduera hasita, ezin izanen da sartu.

     

    Irteera lasaia izanen da, garrantzitsua da aretoko langileen argibideei jarraitzea une oro.
    Beharrezkoa da sarreran eta irteeran gel hidroalkoholikoa erabiltzea eta segurtasun-distantzia mantentzea. Beti erabili beharko dira maskarak antzokiaren barruan eta kanpoan. Adingabeak ere maskararekin joatea gomendatzen da. 10 urtetik beherakoek helduekin egon beharko dute.

    Zerbitzuen erabilera ahal den neurrian mugatzea eskatzen dizuegu.

     

     

     

     

     

     

     

    Volver arriba