Ayuntamiento Sangüesa / Zangozako Udala

Nafarroako Gobernuak, Osasun kontseilariak proposaturik, 2020ko ekainaren 19an hartutako erabakiaren bidez, Nafarroako Foru Komunitatea normaltasun berrira sartu dela zabaltzen da, eta beharrezko prebentzio neurriak ematen dira COVID-19 delakoak eragindako osasun krisiari aurre egiteko, bai eta gerta daitezkeen berragerpenei aurrea hartzeko ere, Planaren 3. fasea gainditu ondoren, normaltasun berri horretara igarotzeko.

Higieneari eta prebentzioari buruzko neurriak, segurtasun-distantziak babestu eta mantentzeari buruzkoak edo edukieraren mugei eta kontrolari buruzkoak, pandemiaren kontrolari eusteko eta etorkizunean berragerraldiak saihesteko hartu badira, ezin izango dira aplikatu jai-programa osatzen duten jardueretan, ezta beren izateko arrazoi diren dibertsio- eta gizarte-harremanetan ere.

Bestalde, une honetan, Nafarroako Osasun Publikoaren eta Lan Osasunaren Institutuak (ISPLN) azpimarratu du birusaren zirkulazioa berraktibatu egin daitekeela urruntze fisikorako neurriak gehiegi erlaxatzen badira.
Kultur Komisioak joan den ekainaren 12an egindako bileran, bizi dugun egoerari buruz eztabaidatu eta jaiak egiteak ekarriko lituzkeen arriskuak baloratu ondoren, 2020ko zaindariaren jaiak etetea proposatzea erabaki zuen. Hiru udal taldeak aurten jaiak ez egitearen alde gaude.

Bestalde, Jai Batzorde Irekiaren bilerara joan ziren kultur taldeek eta elkarteek ere, ekainaren 23an, aurten festarik ez egitea erabaki zuten.

Nafarroako Gobernuak eta Nafarroako Udal eta Kontzejuen Federazioak, COVID-19 delakoari buruzko jarraibideak biltzeko sinatutako Protokolo Orokorrean, era guztietako herriko jaiak edo horien baliokideak ez antolatzea 2020. urtean gomendatzen dute.

Tamalez, erabaki hori hartu behar dugu, baina arduragatik eta zuhurtziagatik uste dugu erantzun neurritsua, koherentea eta proportzionatua eman behar dugula, osasun-krisia berriro aktibatzearen ondorioz osasun-arriskuak saihesteko, osasun-agintariek ohartarazi diguten bezala.

Udalaren Osoko Bilkurak urtero onesten duenez herriko jaien programa, erabaki hau ere haren esku jartzen da.

Horrenbestez,

Erabaki da: 2020an Zangozako zaindariaren jaiak ez ospatzea